“Айар куттаах дьиэ кэргэттэр” кэнсиэркэ ыҥырыы

Айар куттаахтар көрсүһэн,

Алыптаах иэйиигэ куустаран,

Аналым диэн билинэн, Алаһа дьиэни тэринэн,

Алгыстаах суолунан сэргэстэһэ,

Айымньылаах үлэҕэ бииргэлэһэ,

Айа-тута сылдьалларын

Астына, кэрэхсии көрөбүт

Сергей Зверев-Кыыл Уолаа аатынан Үҥкүү тыйаатыра ахсынньы 6  күнүгэр киэһэ 6 чааска А.Ф.Шестаков аатынан  Нам улууһун норуот айымньытын дьиэтигэр “Айар куттаах дьиэ кэргэттэр” улахан кэнсиэркэ кытталлар. Кинилэр ускуустубалара хас биирдии нотаны, хас биирдии хамсаныыны кытта ыкса ситимнээх, истиҥ, сылаас өйдөһүүлээх.

Тыйаатыр айар куттаах дьиэ кэргэттэрэ – үҥкүүһүттэр Анна уонна Владислав Поповтар, Саскылана уонна Эдуард Жирковтар, Ульяна Ядреева кыыһынаан Анжелиналыын; аркыастыр артыыстара – Анна уонна Афанасий Томскайдар, Дьулустаан Никифоров кэргэнинээн, Филармония хорун солисткатынаан Саргылааналыын, Альберт Брусенин кэргэнинээн, пианисткалыын Кларалыын, Егор Федотов уонна тыйаатыр сүрүн балетмейстера Долаана Федотова, дирижер Анюта Иванова уолунаан Александрдыын, имповизатор-хомусчут Василена Шарина ийэтинээн Марфа Николаевналыын – Сигуна Сэбээк Күннүүн.

Кэнсиэри иилээн-саҕалаан САХА көрдөрөр-иһитиннэрэр хампаанньа редактора Асколон Семенов ыытар. Бу тэрээһиҥҥэ кэнсиэр дьоруойдарын туһунан видеосюжеттар көстүөхтэрэ. Дьиэ кэргэн сылаас эйгэтин, тапталы, кэрэни, үтүө сыһыаны өрө тутан, кэлиҥ, сылдьыҥ, дуоһуйа сынньаныҥ!

Ыытыллар сирэ: Нам с., А.Ф.Шестаков аатынан Улуустааҕы норуот айымньытын дьиэтэ

Билиэт сыаната: 300, 500

10% чэпчэтии инбэлииттэргэ, пенсионердарга, элбэх оҕолоохторго

dancesakha.info, sakhaconcert.ru

Билсэр тел.: 8-914-238-95-76