Анегина Егоровнаны кытары алтыһыы хатыламмат кэрэ түгэн уонна бэлэх

Бүгүн СССР норуотунай артыыһа Анегина Егоровна Ильина-Дмитриева Саха аркыастыр доҕуһуолунан репертуарыгар баар сахалыы сөбүлүүр ырыаларын үйэтитэр гына уһуллулар. Анегина Егоровна элбэх сыл устата сүрүн дирижер Николай Павлович Петровтуун уонна аркыастыр артыыстарын кытары ситиһиилээхтик уонна таһаарыылаахтык үлэлээбитэ ыраатта.



Ону тэҥэ Анегина Егоровна “Поэзии волшебные звуки” антология таһаарарыгар аркыастыр артыыһа Афанасий Томскай музыкальнай редактор үлэтин оҥорон, Анна Томская оцифровкалаан, антология сүрэхтэниитэ ис киирбэхтик, өрө көтөҕүллэн ааспыта.

“Саха биир тарбахха баттанар опернай ырыаһыта Анегина Егоровнаны кытары алтыһар, тэҥҥэ үлэлэһэр биир хатыламмат кэрэ түгэн уонна бэлэх” – диэн санааларын үллэһэллэр аркыастыр артыыстара.
