С.А.Зверев-Кыыл Уола төрөөбүтэ 125 сылын арыйар улахан тэрээһин туһунан

31.01.2025

Айыылартан айдарыылаах, Ийэ сиртэн этитиилээх, аар тайҕа аптаах ырыаһыта, саха тыллаах айгыр-дьаалык алгысчыта, бэйэтин омугун култууратын, ускуустубатын бары салааларыгар, көрүҥнэригэр уһулуччу улахан тус кылаатын киллэрбит, өбүгэлэрин түҥ былыргыттан үйэлэри нөҥүөлээн илдьэ сылдьар үгэстэрин, итэҕэллэрин, төрүт култууратын үөрэтэн, билэн, ону тилиннэрэн, аныгы көлүөнэҕэ тиэрдэн аҕалбыт, төрөөбүт норуотугар үтүөнү-срдыгы, кэскили эрэ түстээбит, айымньыларынан үйэлэри сибээстээбит, чаҕылханныы өрө күлүмнээн ааспыт Сергей Афанасьевич Зверев-Кыыл Уола – саха омук киэн туттар, холобур оҥостор Ытык киһибит төрөөбүтэ 125 сылыгар анаммыт “УЛУУ КИҺИ УТУМА” улахан Олоҥхо дойдута Сунтаартан айаннаан кэлбит айар куттаах дьонун-сэргэтин кытары Кыыл Уола үбүлүөйдээх сылын арыйар Туймаада хочотугар, Өксөкүлээх Өлөксөй уораҕайыгар улахан тэрээһиҥҥэ кытынныбыт. Тыйаатыр репертуарыттан “Кыһыл көмүс” пуондаҕа киирбит Аар саарга аатырбыт Кыыл Уолбут туруорбут айымньыларын көрөөччүлэргэ анаатыбыт.

Улахан кэнсиэр үтүмэн элбэх кыттааччыны уонна көрөөччүнү мунньан, үс чаастан уһаан, өрө көтөҕүллэн, үөрүүлээх быһыыга-майгыга буолан ааста.