Дьокуускайга истиҥ-иһирэх «Удьуор утума» үбүлүөйдээх кэнсиэр буолла.

Дьокуускайга истиҥ-иһирэх «Удьуор утума» үбүлүөйдээх кэнсиэр буолла.

Бу дьыл балаҕан ыйын 24 күнүгэр Өксөкүлээх Өлөксөй аатынан норуоттар Доҕордоһууларын дьиэтигэр Саха сиригэр киэҥник биллибит хореограф, учууталлар учууталлара, 50 тахса сыл устата үҥкүүгэ талааннаах оҕолору, эдэр ыччаты түмэн, үҥкүү кэрэ эйгэтигэр уһуйан, үөрэтэн, такайан, тыһыынчанан оҕону Таатта улууһугар Ытык Күөлгэ “Доҕордоһуу”, Сунтаар Эльгээйитигэр “Алгыс” үҥкүү бөлөхтөрүн төрүттээбит, тэрийбит  Августина Федоровна Клакинова 80 сааһыгар анаммыт “Удьуор ситимэ” икки кэнсиэр үөрүүлээх быһыыга-майгыга, өрө көтөҕүлүүлээхтик, толору көрөөччүлээх саалаҕа, чахчы да үҥкүү дьоро киэһэтэ, киэҥ түһүлгэтэ буолан ааста. Бу икки сүдү, улахан үҥкүү бөлөхтөрө “Доҕордоһуу” уонна “Алгыс” Саха сиригэр эрэ буолбакка, Арассыыйаҕа уонна тас дойдуга биллэр кэлэктиип  ансаамбыллара саха үҥкүүтүн аар саарга таһаардылар.

Августина Федоровна үлэтин салҕыыр үөрэнээччилэрэ бэйэлэрэ өрөспүүбүлүкэҕэ ааттаах-суоллаах, биллибит дьон буолан таҕыстылар. Кинилэр истэригэр Сергей Зверев-Кыыл Уола аатынан Үҥкүү тыйаатырыттан кини үөрэнээччилэрэ СӨ норуодунай артыыһа, Арассыыйа уонна СӨ үтүөлээх артыыһа Афанасий Афанасьев, СӨ үтүөлээх артыыһа Зоя Соловьева, СӨ култууратын туйгуннара Лена Ким уонна Анна Чойнова.