С. Зверев — Кыыл Уола аатынан Саха Өрөспүүбүлүкэтин үҥкүүтүн тыйаатырын артыыстара Анна ТОМСКАЯ, Саскылана уонна Эдуард ЖИРКОВТАР «Сахалыы Виктория» араадьыйа быһа эпииригэр кыттыыны ыллылар.

Артыыстар тыйаатырга үлэ, саҥа айар дьылга бэлэмнэнии уонна буолаары турар «Кынчырҕаннаах харахтаах кырыылаах сутуруктаах Кыыс Кыыдаан бухатыыр» испэктээк туһунан кэпсээтилэр. Бэлиэтээн эттэххэ, испэктээк Анна ТОМСКАЯ салайар «Кыл Саха» ансаамбылын тыыннаах доҕуһуолунан барар, Саскылана ЖИРКОВА сүрүн оруоллартан биирдэстэрин чаҕылхайдык толорор, оттон Эдуард ЖИРКОВ испэктээк үҥкүүлэрин туоруорааччыларыттан биирдэстэрэ буолар.
Балаҕан ыйын 24-25 күннэригэр «Кынчарҕаннаах харахтаах кырыылаах сутуруктаах Кыыс Кыыдаан бухатыыр» үҥкүүнэн дьүһүйүллүбүт испэктээх Саха тыйаатырын сыанатыгар сүрэхтэниэҕэ. Билиэттэр Саха тыйаатырын кассатыгар уонна «Most» сыһыарыыга атыыланаллар.

@dancesakha