Мин, Данилов Николай Иннокентьевич, муусука үнүстүрүмүөннэрин оҥорор мастарыскыай улэhитэ буолабын. Александр Ивановиhы биhиги тэрилтэбит холбоhуон инниттэн билэбин. Ааhыма бөhүөлэгэр олорор эрдэхпинэ эдьиийбин Шураны кытта оскуолаҕа бииргэ үөрэммиттэрэ уонна убайа Ньукулайы кытта бииргэ үлэлээбит буолан Александр Ивановиhы сайын, кыhын куруук көрсөр этим. Онтон биhиги мастарыскыайбыт Үҥкүү тыйаатырыгар холбоhуоҕуттан сүүрбэччэ сыл буолан баран, тэрилтэҕэ кэлэ сылдьан миигин билэн үөрэн-көтөн, ирэ-хоро урууккуну, хойуккуну кэпсэппиппит. Мастарыскыай Үҥкүү тыйаатырыгар холбоhуоҕуттан араас идэлээх, элбэх киhилээх, билэр киhиҥ дьаhайарыттан хайдах эрэ үөрэ санаабытым.
Александр Иванович биhиэхэ мастарыскыайга сотору-сотору кэлэн инники үлэбитин, былааннаан көрөн-истэн, блокнотугар сурунан, быhаарсан барар үгэстээҕэ уонна барытын толорон, үлэ-хамнас күөстүү оргуйара. Александр Иванович туох баар үлэ таhынан буолар тэрээhиннэри мастарыскыай уолаттара суох атаарбат этэ, куруук биhигини ыҥыран үөрэн- кэтэн атаартыыра.
Александр Иванович олоҕун бутэhик күннэригэр мастарыскыайга Сунтаартан кэлэн иhэн сылдьыбыта, элбэх инники былааннардааҕа, тыйаатырын туhугар бэриниилээх киhи күн сириттэн эмискэ күрэммитэ хомолтолоох, кыhыылаах баҕайы……..
Мин Александр Ивановиhы куруутун өйдүү-саныы сылдьыам. Кини үлэhитэ, тыйаатырыгар бэриниилээҕэ биhиэхэ үтүө сыhыана, билиитэ- көрүүтэ мин өйбөр куруук халыаҕа.
Николай Иннокентьевич Данилов, маастар-худуоһунньук, СӨ культууратын туйгуна, СӨ уус-уран оноhуктарын маастара
