Мин, Семенов Прокопий Иванович, Александр Ивановиһы кыра эрдэхпиттэн көрөн улааппытым. Оҕо эрдэхпинэ Александр Иванович наар көрсүө, сэмэй үөрэ-көтө сылдьар этэ.
1996 с. Саха муусука үнүстүрүмүөннэрин оҥорон таһаарар уонна чөлүгэр түһэрэр мастарыскыайга үлэлии киирбитим.
2017 с. Мастарыскыай Үҥкүү тыйаатырыгар холбоhон Александр Иванович салалтатынан 8 сыл үлэлээбиппит. Александр Иванович туһунан салайааччы да, киhи да быhыытынан үчүгэй эрэ санаалар хаалбыттара. Мастарыскыайга кэллэҕинэ: «Уолаттар туох сонуннааххыт?”, — диэбитинэн мичээрдээн киирэн кэлээччи.
Александр Иванович олоҕун бүтэhигэр дылы мастарыскыай үлэтин, кыhалҕатын тэҥҥэ уллэстэ олорбута. Мин Александр Ивановиһы куруутун өйдүү-саныы сылдьыам.
Прокопий Иванович Семенов, маастар-худуоһунньук, СӨ уус-уран оҥоhуктарын маастара
