Мин, Сметанин Александр Андреевич, Мохначевскайдар ааттарынан музыкальнай үнүстүрүмүөннэри оҥорор мастарыскыайга үлэлээбитим 30 сыл буолла.
2017 с. С.А.Зверев – Кыыл Уола аатынан театрыгар мастарыскыайы холбообуттара. Онтон ыла тыйаатыр дириэктэрин Александр Иванович Алексеевтыын ыкса билсэн улэлэhэн барбыппыт. Ол да иннинэ кини Горнайтан төрүттээх буолан мастарыскыайы куруук билсэ-көрсө сылдьыбыта. Биирдиилээн сакаастары да оҥортороллор этэ. Үлэлээбит кэмнэрин ахтан-санаан аастахха Александр Иванович тэрилтэ сайдарын, туохтан да иннэн тохтоон хаалбахха үлэ барарын туhугар элбэх күүhүн- уоҕун, өйүн-санаатын, дьыалабыай сатабылын ууран туран салайара. Биирдэ да куолаhын соноппокко, хаhыытаабахха барытын ымпыгар-чымпыгар тиийэ быhааран өйдөтөн биэрэр этэ. «Хайа, уолаттар, улэлииргэ туох нааданый, туох тиийбэтий, туох кыhалҕалар баалларый» диэн куруук ыйыталаhа сылдьара. Үлэ-хамнас хайдах баран иhэрин, сакаастар туолууларын, мастарыскыай итиитигэр-тымныытыгар тиийэ барытын хонтуруолга тутан олороро. Өр сылларга «Саха Өрөспүүбүлүкэтин норуот маастара» аатын ылбакка сылдьыбыт кэмнэрбэр Александр Иванович тус бэйэтинэн орооhон тургэнник оҥотторбута. Онон мин тус бэйэм уонна бииргэ үлэлиир мастарыскыайым уолаттара Александр Ивановичка махталлаахпыт. Кини салалтатынан үлэлээбит кэмнэрбитин куруук ахта – саныы сылдьыахпыт.
Сметанин Александр Андреевич, СӨ культууратын туйгуна, СӨ норуот маастара, СӨ уус-уран оноhуктарга маастара, Горнай улууhун норуот маастара
