С. Зверев — Кыыл Уола аатынан Үҥкүү тыйаатырын балетын артыыската Саина ВИНОКУРОВА уонна режиссер Сергей ПОТАПОВ бүгүн Саха телевидениетин «Эйгэ» биэриитигэр кыттыыны ыллылар.
Режиссер Сергей ПОТАПОВ буолаары турар «Кынчарҕаннаах харахтаах кырыылаах сутуруктаах Кыыс Кыыдаан бухатыыр» үҥкүүнэн дьүһүйүллүбүт испэктээккэ артыыстар үлэлэрин, режиссер көрүүтэ төһө толору арыллыбытын туһунан сиһилии сырдатта. Саина тыйаатырга айар үлэтин, Кыыс Кыыдаан бухатыыр оруолун арыйыы төһө уустугун туһунан санаатын үллэһиннэ. Биэрии кэмигэр ыытааччы Анна ВАСИЛЬЕВА пресс-көрдөрүүгэ сылдьан, бу испэктээктэн улаханнык дуоһуйбутун туһунан билиннэ.
Санатан эттэххэ, «Кынчарҕаннаах харахтаах кырыылаах сутуруктаах Кыыс Кыыдаан бухатыыр» испэктээк сүрэхтэниитэ балаҕан ыйын 24-25 күннэригэр Саха тыйаатырын сыанатыгар буолуоҕа. Билиэттэр Саха тыйаатырын кассатыгар уонна «Моst» сыһыарыыга атыыланаллар.
@dancesakha
