С. ЗВЕРЕВ – Кыыл Уола аатынан Саха Өрөспүүбүлүкэтин тыйаатырын дириэктэрэ Саргылана БОРИСОВА уонна сүрүн дирижера Николай ПЕТРОВ телевидениенэн уонна араадьыйанан быһа эпииргэ тахсар «Тэтим чааһа» биэриигэ кыттыыны ыллылар.
Эпиир кэмигэр тыйаатыр атын тыйаатырдартан уратытын, балет да, аркыастыр да үлэтэ хайдах тэриллэрин уонна кэлэр 5 сылга ыытыллыахтаах үлэ былааннарын сиһилии сырдаттылар.
Санатан эттэххэ, С. ЗВЕРЕВ – Кыыл Уола аатынан СӨ Үҥкүүтүн тыйаатырын 46-с айар дьылын үөрүүлээх аһыллыыта балаҕан ыйын 24-25 күннэригэр Саха тыйаатыр сыанатыгар буолуоҕа. Саҥа айар дьыл Кыыл Уола олоҥхотунан режиссер Сергей ПОТАПОВ туруорбут «Кынчарҕаннаах харахтаах кырыылаах сутуруктаах Кыыс Кыыдаан бухатыыр» үҥкүүнэн дьүһүйүллүбүт испэктээҕинэн саҕаланыаҕа.
@dancesakha
