Сергей Зверев-Кыыл Уола аатынан үҥкүү тыйаатырын аркыастыра алтынньы 4 күнүгэр «Андросов Фест» бэстибээл муҥутуур чыпчаала буолбут «Алааһым арылы кустуга» кэнсиэргэ кыттыыны ылла.
Бу киэһэ сыанаҕа Виталий Тимофеевич үөрэнээччилэрэ, доҕотторо-атастара, аркыастыр дьүрүскэн дорҕоонугар доҕуһуоллатан, көрөөччүлэргэ элбэх ырыаны бэлэхтээн ааспыт кэми эргиттилэр, махталларын, сүгүрүйүүлэрин биллэрдилэр.
