Убаастабыллаах нэһилиэк олохтоохторо, ытык мааны дьоно — сэргэтэ, истиҥ эйэҕэс көрөөччүлэрбит! Эһигини С.А.Зверев — Кыыл Уола аатынан Саха Өрөспүүбүлүкэтин Үҥкүүтүн тыйаатыра «КЫЫЛ УОЛУН УТУМНААН» дириҥ ис хоһоонноох улахан кэнсиэригэр долгуйа күүтэбит.
Биһиги тыйаатырбыт Саха сценическэй култууратын төрүттэспит, устар ууну сомоҕолуур уус-уран Саргылаах Сахабыт тылын – өһүн баһылаабыт, уһулуччулаах тойуксут, оһуохайдьыт, драматург, бэйиэт, олоҥхоһут, сиэр –туом хамнаныыларын чочуйбут Сэргэй Сибиэрэп аатын сүгэринэн киэн туттабыт. Быйыл убайбыт 125 сылын бэлиэтиир бэлиэ сыла үүммүтүнэн саха төрүт култууратын ис дьиҥин көрдөрөр, элбэх норуоттаах Арассыыйа модун күүһүн мэктиэлиир анал бырагырааммалаах айаҥҥа турунуубут буолар.
Күндү көрөөччү, бу күн Улуу убайбыт айан хаалларбыт ырыатын — тойугун утумнаан дьикти дорҕоон алыбар уйдарыаҥ, күөх урсуҥҥа тойон кыыл кэриэтэ кыыралдьыйа үрдүккэ көтүөҥ!
Сандал сааһы уруйдуу, алгыстаах айар киэһэҕэ, өр кэтэспит ахтылҕаҥҥын таһааран, хабыллар ытыс тыаһын харыстаама, үөр – көт, дуоһуйа сынньан!
БИЛИЭТТЭР АТЫЫГА ОНЛАЙН АТЫЫЛАНАЛЛАР:
ону тэҥэ киириигэ
Vk:
https://vk.com/public201160423
Telegram:
https://t.me/dancesakha