Мин, Максимов Илья Афанасьевич диэммин, Александр Иванович Горнай улууhуттан төрүттээҕин, Үҥкүү тыйаатырын салайарын эрдэ истэн билэрим. Онтон 2017 с. биhиги тэрилтэбитин Үҥкүү тыйаатырыгар холбообуттарыттан чугастык билсибиппит.
Александр Иванович киhи быhыытынан, үтүө майгытынан, дьоҥҥо хайҕанар учугэй салайааччы диирим сыыспатым буолуо. Кини Үҥкүү тыйаатырын сайдарыгар элбэх сыратын ууран бүтэhик күнүгэр дылы бэриниилээхтик үлэлээн кэлбитэ.
Миэхэ бэйэбэр сайын уоппускаҕа сырыттахпына, эрийэн билсэрэ. Сайыҥҥы кэмҥэ тугу дьарыгыра сылдьарбын ыйыталаhааччы, тутууга үлэлии сылдьабын диэбиппэр, бэйэтин чугас киhитин курдук үөрбүтэ…
Александр Иванович туһунан ааспыт кэминэн кэпсиир ыарахан, соһуччу уонна хомолтолоохтук олохтон туораабыта киһи да итэҕэйбэт. Кини наһаа элбэх ыра санаалаах, инники сыаллаах-соруктаах этэ. Онтун толороругар элбэх чопчу былааннардааҕа. Мин Александр Ивановиhы киhи быhыытынан эйэҕэс, хас биирдии үлэhитин туhугар кыhаллар, учугэй салайааччы диэн сыаналыыбын. Махталым улахан.
Максимов Илья Афанасьевич, муусука үнүстүрүмүөнүн мастарыскыай маастар-худуоһунньуга
